මුළු ජීවිත කාලය පුරාම අපි බත් කාපු විදිය වැරදියි

අපි බත් උයන විදිය වැරදියි, මේ විදියට පිසගත්තොත් සෞඛ්‍ය ප්‍රතිලාභ රැසක් ලැබෙනවා.

සහල් අනෙකුත් ධාන්‍ය වගේ නොවෙයි, පහසුවෙන්ම පිසගන්නට පුළුවන්. බත් වල විශාල වශයෙන් පිෂ්ටය අන්තර්ගතව තිබුනත්, එම පිෂ්ටය හොඳින් ජීරණය කිරීමේ හැකියාවක්ද අපේ ශරීරයට තිඛෙනවා. නමුත් වැඩිපුර බත් අනුභව කරොත් තරභාරුකම සහ දියවැඩියාව වැනි තත්වයන් ඇතිවීමට වැඩි අවධානමක් පවතිනවා.

සුදු සහල් වල එම අවදානම වැඩි වශයෙන් පවතින බව හොඳින් මතක තබාගන්න. පිසගනු ලැබූ සුදු සහල් කෝප්පයක කැලරි 200ක් පමණ අන්තර්ගත වෙන අතර පිෂ්ටයද පිරී පවතිනවා.

නමුත් වාසනාවකට, ශ්‍රීලංකාවේ විශ්ව විද්‍යාලයක විද්‍යාඥයින් පිරිසක් සහල් වල ඇති කැලරි ප්‍රමාණය හරි අඩකින් අඩුකරන නවතම ක්‍රමවේදයක් සොයාගෙන තිඛෙන බව නොදුටු ලෝකයට වාර්තා වෙනවා. එම ක්‍රමවේදයට ස්තුතිවන්ත වෙන්න කිසිදු සෞඛ්‍ය අවදානමක් නැතිව කැමති තරම් බත් කන්නට ඔබට පුළුවන්.

විද්‍යාඥයින් විසින් හඳුන්වාදී තිබෙන එම ක්‍රියාවලිය ඉතාමත්ම සරලයි. පළමුව ඔබ කලයුතු වන්නේ බත් පිසගැනීමේදී රත්වූ ජලයට පොල්තෙල් ස්වල්පයක් එකතු කිරීමයි. සහල් වල ප්‍රමාණයෙන් සියයට 3කට ආසන්න පොල්තෙල් ප්‍රමාණයක් එකතු කිරීම තමයි නිවැරදිම ක්‍රමය වන්නේ.සහල් පිසගත් පසුව එය ශීතකරණය තුල පැය 12ක් පමණ තැන්පත් කර තබන්නටත් අමතක කරන්න එපා.

බත් වලට ඇත්තටම සිදුවන්නේ කුමක්ද ?

රත්කිරීමේදී සහල් වල ඇති පිෂ්ටය ජීරණයට පහසුවෙන නිසා, බත් පහසුවෙන්ම ග්ලයිකොජන් සහ සීනි බවට පත්වී මේදය ලෙස ශරීරයේ ගබඩා වෙනවා.

නමුත් ඊට ලිපිඩ (පොල් තෙල්) එකතු කිරීමේදී, පහසුවෙන් ජීරණය කල හැකි පිෂ්ට මට්ටම විශාල ලෙස අවම වෙනවා. එහිදී ඇත්තටම සිදුවන්නේ පිෂ්ටයේ ව්‍යුහය වෙනස් වීමයි.

ශීතකිරීමෙදී පිෂ්ටය තවත් දැඩි ස්වභාවයකට පත්වෙන අතර, නැවත රත්කරනු ලැබුවත් අවම කැලරි මට්ටමක පවතිනවා.

ශරීරය තරභාරුවීම සහ දියවැඩියාව වැනි තත්වයන් ඇතිවීම වලක්වාගැනීම සඳහා භාවිත කළහැකි ඉතාමත් සාර්ථක ක්‍රමයක් ලෙස මෙය හඳුවන්න පුළුවන්.

You may also like...

Leave a Reply

Your email address will not be published. Required fields are marked *

error: Content is protected !!